Le zite 'n galera

Commedia per musica in tre atti

Testo del libretto

Antefatto: dodici anni prima, Carlo ha lasciato a Sorrento la sua amata Belluccia e ora si trova a Vietri, dove fa la corte a Ciomma. Crede che Belluccia sia morta, ma questa invece è fuggita di casa travestita da uomo, con il nome di Peppariello, per cercare Carlo e si trova anche lei a Vietri, dove risiede presso il barbiere Col'Agnolo.

Col'Agnolo, Ciccariello, Ciomma, Carlo

[Dì prima mattina, Ciccariello, il garzone del barbiere, spazza la bottega cantando una canzone. Il padrone Col'Agnolo si lamenta del rumore. Carlo fa la corte a Ciomma che però lo respinge perché è innamorata di Peppariello (Belluccia). Ciomma chiede a Col'Agnolo di fare da interlocutore e gli affida un messaggio amoroso per Peppariello.]

Masto Col'Agnolo afelano rosola nnanze a la poteca soja, Ciccariello, che scopa e canta, Ciomma nnanze a la porta che fa pezzille, Carlo, da lontano, che passeja.

CICCARIELLO

"Vorria addeventare sorecillo
pe mettere paur'a la sia Annella,
le vorria dà 'no muorzo a lo pedillo,
e straccià la podea de la gonnella.
E po', pecche so' tanto peccerillo
mme vorria abbuscà 'na moglierella
E bà,
e ste breccie, che puorte 'mpietto
tu le puorte pe mme sciaccà."

CIOMMA

Ah, ah, ah, ah.

CARLO

Ah! tu ride, e io schiatto.

CIOMMA

Sì, passeja pe sso tuosto.

CICCARIELLO

Ched'è? ch'avimmo fatto?

COL'AGNOLO

Niente, niente: cantate a gusto vuosto.

CICCARIELLO

Che nce fosse quarche assisa a lo cantare?

COL'AGNOLO

Te voglio dà l'assisa e la pannetta:
mme vo' stordire, e ancora non e' ghiuorno.

CICCARIELLO

Vorria sapé, comm'aggio da servire!
Si canto, "Quando scumpe sso taluorno?"
Si m'allamento, "Schiatta! Che te manca?"
Si rido, "Volta, sciala, ch'aje raggione!"
Si magno "E ch'aje, l'allanca?"
Si . . .

COL'AGNOLO

Zitto, fuss'acciso chiacchiarone!
Va', piglia lo vacile,
e portamillo addo' commesechiamma.
(Vi' si va? n'ave tanto a lo sottile.)

CARLO

Te vorria dire schitto ca sta sciamma . . .

CIOMMA

Ora saglimmoncenne, via, via.

CARLO

No no, mo mme sto zitto.

COL'AGNOLO

Ched'è? non stace commeto ussorìa
de ire addo' aggio ditto?

CICCARIELLO

Sto si' commesechiamma,
no lo sapimmo addove sta de casa.

CARLO

(Che cana!)
Ma pocca spriezze ammore,
mo vedarraje che sape fà lo sdigno.

CICCARIELLO

A. . . ? a lo si' Sarvatore?

COL'AGNOLO

Gnorsì.

CIOMMA

(a Carlo che parte)

Va', mme sequestra lo bennigno.
Masto Col'A', non te partire, siente.

COL'AGNOLO

Che v'aggio da servire?

CIOMMA

Sto Peppariello è figlio a quà serpente,
a quacc'urzo, a quà lupo?
E' cosa grossa!
E' de carne, è de pesce?

COL'AGNOLO

E' n'ommo cornm'a mme de carne e d'ossa.
Che? ancora stace tuosto cornm'a pprimmo?

CIOMMA

Accossì pare.

COL'AGNOLO

Io te lo remollo.

CICCARIELLO

M'abbio si' masto?

COL'AGNOLO

Sì, mo te so' 'ncollo!

(Ciccariello parte.)

COL'AGNOLO

E de me propejo Ciomma,
no nne vuo' avé piatà?

CIOMMA

Si mme vuo' bene
redducemillo tu.

COL'AGNOLO

(No mme lo nzonno,
ca sarraggio l'ammante roffejano.)

CIOMMA

Dille ch'è n o . . . va' chiano . . . io me confonno.

(Parte.)

Belluccia (Peppariello), Col'Agnolo

[Col'Agnolo consegna a Peppariello/Belluccia il messaggio di Ciomma ma lei lo respinge]

BELLUCCIA

Col'Agnolo?

COL'AGNOLO

Oh! Sio Peppo, a tiempo a tiempo,
pocca t'aggio da dì 'na parolella.

BELLUCCIA

Patrone, dì.

COL'AGNOLO

Sacce ca Ciommetella
pe tte non ave abbiento.

BELLUCCIA

Levarimme, ca priedeche a lo viento.

COL'AGNOLO

Ah ah, nce'll'aggio ditto! Buono faje:
che te mancano?

BELLUCCIA

N'è chesto, masto mio,
è ca non pozzo.

COL'AGNOLO

E commo? Io non te ntenno!

BELLUCCIA

No? mme ntenno io.

(Parte.)

Col'Agnolo, Titta e po' Ciccariello

[Oltre a Carlo, hanno mire su Ciomma anche lo stesso Col'Agnolo e Titta, figlio di Meneca]

COL'AGNOLO

Chisto mme fa vota le cellevrella,

TITTA

Sì masto, bella cosa!
Tu faje lo roffejano a Ciommetella:
ma sa' che nce vorria? 'na bella ntosa.

COL'AGNOLO

A me lo roffejano? siente, Titta . . .

TITTA

Che buò sentire?
chesta a la casa mia non è qua' guitta

COL'AGNOLO

E io che t'aggio? Cera de frabbutto?

CICCARIELLO

Jammoncenne, fenite sto contrasto.

TITTA

Attienne a fare varve e sottrattive

CICCARIELLO

Titta, fornisce! Jammoncenne, masto.

COL'AGNOLO

Oh mmalora, ssi racchie
songo proprio rechiammo de vernacchie!

(Partono.)

Titta, e po' Carlo

[Titta sta sospirando d'amore per Ciomma quando arriva Carlo e i due si salutano cordialmente. Carlo chiede a Titta di consolare le sue pene e gli confessa il suo amore per Ciomma. Titta, non rivela il suo segreto per non deludere l'amico, ma rimane sgomento.]

TETTA

Vide che rrobba! Ah Ciomma,
pe tte quanto sopporto!
E tu cchiù ncuoccìe.

CARLO

Già se nn'è trasuta!
Vide quanto mme dura la desditta!

TITTA

Desidero la morte.
Chisto non è lo si' Carlo?

CARLO

No è Titta?

TITTA

Si' Carlo!

CARLO

Titta mio! Che bella sciorte!

TITTA

Oh quanto mme conzolo,
ca dapo' de tant'anne
ve veo buono. Commo da ste parte?

CARLO

E tu che baje facenno pe da lloco!

TITTA

Chest'è la casa mia.

CARLO

Chesta!

TITTA

Gnorsì, a commanno de ussorìa.
No responnite? Ajemmè, ched'è, ch'è stato?

CARLO

Titta mio, che mme dice!

TITTA

Ve despejace?

CARLO

No, t'aggio trovato a no tiempo pe mme
troppo felice.
Tu mm'aje da consolare

TITTA

Oh bene mio!
Mo, proprio a 'no banchetto
uscìa me mmita!

CARLO

Puro pe tte lo stisso farria io.

TITTA

M'abburlate? N'aggi'auto che sta vita
sarvatame da vuje: pegliatevella.

CARLO

T'è sore Ciommetella?

TITTA

Signornò mm'è parente:
pecché? La canoscite?

CARLO

La canosco sopierchio.

TITTA

(Ajemmé, che sarrà chesto?) E che bolite?

CARLO

Che le decisse pecche bo' che mora,
che non sia tanto sgrata
co Carlo che l'adora.

TITTA

(Oh dio, che stellettata
mm'aggio sentuta dà 'm miezo a sto core!)

CARLO

Ched'è, te si' mutato de colore?
Mme nnieghe sto piacere?

TITTA

Gnorsì, voglio vede de ve servire.
(Sciorta, che cchiù mme resta da vedere!)

CARLO

Fà che sia mia! Non me vede morire.

(Parte.)

Titta, solo.

TITTA

Vide si la desdìtta
jocare mme potea cchiù de ponta!
Desgrezejato Titta!
Nce volev'a lo ruotolo sta la jonta.

)Parte.)

Ciomma e Col'Agnolo

[Ciomma si affaccia portando una sedia sul balcone e si siede; Col'Agnolo, mantello sulle spalle e cappello in testa, esce di casa. Ciomma gli chiede l'esito del suo dialogo con Peppariello. Col'Agnolo le dice di dimenticarlo e fa le lodi dell'uomo maturo]

Ciomma, che caccia 'na seggia fora a lo barcone e s'assetta, e po' Col'Agnolo co lo farrajuolo e cappiello, da la casa, che bo' ascire.

CIOMMA

Oh bene mio, sto sole t'addecreja.

COL'AGNOLO

Oh tè! Vecco la quaglia.

CIOMMA

O masto, schiavo, e mbè?

COL'AGNOLO

Giojà de st'arma!

CIOMMA

(Vide ch'antecaglia.)
Embè, parlaste a Peppo?

COL'AGNOLO

Che nne vuo' fare de sto sbarvatiello?
Trovate n'ommo . . .

CIOMMA

E bia,
che t'ha ditto?

COL'AGNOLO

Sia Ciomma, bella mia . . .

CIOMMA

Tu dàlle ca te frusce,
e n'aje sciato pe n'ora:
tu mo sconucchie,
non te lo canusce?

COL'AGNOLO

Ah, sia Ciomma, bonora
no le dì ste parole:
vuo' che re facciamo doje crapejole?
Tè, vi' si stongo forte!

CIOMMA

Chiano, che non te rumpe lo vrachiero.

COL'AGNOLO

(Chesta sa li segrete de la corte.)

CIOMMA

E non te piglie scuorno
de parlare co mmico de ste cose?

COL'AGNOLO

Sient'a mme: tengo rrobba, aggio denare,
e tant'aggio da fare
ch'aje da essere la mia.

CIOMMA

Si' Mesto si te pienze a fà sta botta:
è ghiusto comme jsse
a caccia a stume co la rezza rotta.

COL'AGNOLO

(Parte.)

Meneca, Ciomma, e po' Ciccariello.

[La vecchia e grassa Meneca ha delle mire su Peppariello. Prima ha un battibecco con Ciomma e poi, sfogandosi con Ciccariello, fa le lodi delle donne "mature"]

MENECA

Ciommetella!

CIOMMA

Segno', che commannate?

MENECA

Rapisto se nn'è ghiuto?

CIOMMA

Uh, va' lo trova!

MENECA

Va', singhe benedetta,
vide si le galline hanno fatt'ova,
e bide . . .

CIOMMA

Si n'hann'acqua, e nce la metta?

MENECA

Massara!

CIOMMA

Tanto locca mo mme faje?

MENECA

Vi' comme piglie muoccolo

CIOMMA

(Ma l'aucelluzzo mio non piglio maje.)

(Parte)

CICCARIELLO

(a qualcuno fuori scena)

Spiancello a li quatto de lo Muolo,
che saccio?

MENECA

Co echi ll'aje né, Ceccarie'?

CICCARIELLO

Co n'ommo che boleva
sape da me lo masto addove steva.

MENECA

Pecche non ce l'aje ditto?

CICCARIELLO

Comm'è bello, vuò che le jetta
'ncanna ch'è ghiuto a fa
'na cosa necessareja?

MENECA

Aspetta, aspetta, sienteme 'na chiacchiara.

CICCARIELLO

Via, fa priesto, sbrigammonce.

MENECA

Dimme a sso Peppariello
pecche no me vo' bene?
Ca non se ne retenne
ca chi Meneca fuje; e chi me sprezza
o n'ha core o non sa che sia bellezza?
Tu ride? Sa' da quanta so' pregata?

CICCARIELLO

(Chesta vo! esse propejo pasteggiata.)

MENECA

Le femmene che so' dell'ajtà mia,
che dammo e recevimmo tentazejune,
volimmo li marite
che siano piccioncelle e masculune.

(Parte.)

Ciccariello e po' Rapisto.

[Rapisto, servitore di Meneca, viene a farsi radere da Col'Agnolo. Ciccariello vuole fare una burla e gli fa credere che il suo padrone è sordo e che per farsi sentire da lui bisogna gridare.]

CICCARIELLO

Ah ah ah, chesta vecchia è corejosa!
ma si non faccio arrore,
vecco Rapisto!

RAPISTO

Ciccarie', che faje?

CICCARIELLO

Rapisto mio, servennote,
che barva è chesta?

RAPISTO

Mme vorriste radere?

CICCARIELLO

Veramente è cresciuta.

RAPISTO

Chiano, bonora! Me vuo' caccia n'uocchio?
n'aje propejo descrezione!

CICCARIELLO

Ah ah
(che bella mmenzejone!)

RAPISTO

Via, su, addov'è lo masto?
Mme voglio sbarbizzare.

CICCARIELLO

(Che bella burla che le voglio fare.)
Torna acca: n'auto poco
ca si' llesto; ma saccie
ca non troppo ncè sente,
e abbesogna strellà quanno le parle.

RAPISTO

Ne? non ne sapeva niente,
ca co chisto non nc'aggio maje parlato,
pocca da poche juorne ch'è arrevato.

CICCARIELLO

Orsù no nce vo' auto.

RAPISTO

Schiavo tujo.

CICCARIELLO

(mentre Rapisto parte)

Covernate, Rapisto.

Masto Col'Agnolo, e po' Ciccariello

[Arriva Col'Agnolo e Ciccariello gli fa credere che anche Rapisto è sordo e bisogna gridare per farsi capire.]

CICCARIELLO

Oh, si' masto:
'sto locco de Rapisto
se volea fa la varva.

COL'AGNOLO

Non ll'aje ditto che torna?

CICCARIELLO

Gnoressine!
'Na cosa solo t'aggio d'avertire
ch'abbesogna strellà quanno le parle.

COL'AGNOLO

Avimma da fa auto che strellare.

CICCARIELLO

Che sfazione m'aggio da pegliare.

(Partono.)

Belluccia, e po' Ciomma

[Belluccia, travestita da Peppariello, canta una triste canzone pensando al suo amato Carlo che non riesce a trovare. Arriva Ciomma che si ostina a cercare la sua attenzione.]

BELLUCCIA

T'aggio mmideja,
bello auciello!
Tu te spasse nfra ste frunne,
cante, vuole, t'annascunne
ed io resto a penejà!

CIOMMA

Pe' echi staje a peneja?

BELLUCCIA

Ciomma da me che buò?
Te l'aggio ditto,
ca 'ste parole
tu le ghiette a maro:
e puro ncuoccie!

CIOMMA

Oh, comme si' schiattuso!
Mme vuo' peglià de fila.

BELLUCCIA

Comme voglio felà si nn'aggio fuso?

CIOMMA

Siente: si chesto dice
pecche fuorze non aje commodetate
pe potè mantenere la mogliere,
nuje simmo già arrevate:
te dongh'io tutto chello che te manca.

BELLUCCIA

Mme faje venire a ridere, ah ah ah.

CIOMMA

Tu co sta risa mme farrisse accidere.
Manco chesto vuo' fa?

BELLUCCIA

No, ca te juro ca chello che n'aggio
manc'a tte puro.

Carlo e li stisse

[Arriva anche Carlo che continua a fare la corte a Ciomma. Belluccia/Peppariello lo riconosce e sviene. Ciomma preoccupata cerca di fare rinvenire il suo "desiderato" ma Belluccia quando riapre gli occhi, mantenendo il suo travestimento, incalza Carlo di domande sul suo passato. Vista la sua reticenza se ne va sdegnata e Carlo ricomincia a corteggiare Ciomma che lo respinge ancora.]

CARLO

Vecco la sgrata! E chillo
è fuorze lo zembrillo
che già ll'ave ncappata!

CIOMMA

(E chisto sempe appriesso, è 'na gran cosa!)

BELLUCCIA

Che bedo! Carlo! E' isso?
è isso! Ah tradetore! Ajemmé so' morta.

(S'addebolisce.)

CIOMMA

Ah bene mio; ched'aje? Che t'è benuto?

CARLO

Ch'è socciesso? Ched'è? Volite ajuto?

CIOMMA

Cerca 'no poco d'acqua lloco dinto.
Gioja de st'arma . . .

BELLUCCIA

Oh dio!

CIOMMA

Ah Peppariello mio
tu sude friddo?
Assettate ccà 'n coppa.
Che sarrà stato chesto?
Ll'acqua?

CARLO

Mo vene.

CIOMMA

Di' che faccia priesto.

CARLO

Veccola ccà.

CIOMMA

Bellezza mia! Revene!
Co ttico Uà, non vide
ca t'ammenaccia?

BELLUCCIA

Ajemè! Dimme 'na cosa:
de dove si'?

CARLO

Io so' de Castiello a Mare.

BELLUCCIA

E a sto luogo n'ammaste maje nesciuna?

CARLO

No.

BELLUCCIA

Busciardo!

CARLO

Sbarije!

CIOMMA

Via, di' lo vero!

CARLO

Sì, dudece anne arrete n'ammaje una.
(comm'è benuto a chisto sto penziero?)

BELLUCCIA

E mo non l'amine cchiù?

CARLO

No.

BELLUCCIA

Pecche?

CARLO

Che nne saccio; chiano chiano
mmè è sciuta da lo core.
(Vi' comm'è corejuso!)

BELLUCCIA

(Ah turco cano!)
Teranno ngannatore . . .

CIOMMA

Core mio co chi ll'aje?

CARLO

(Chist'è mpazzuto!)

CIOMMA

Che, nne vuo' fa ssi guaje?

BELLUCCIA

Pecche, nfammo, pecche po' ll'aje traduta?

CIOMMA

Pecche te piglie collera? Ch'è stato?

BELLUCCIA

So' giovene nnamorato
e non pozzo sentì sta brutt'azzione
ch'ha fatto a 'na zetella sto briccone.

CARLO

A mme briccone, a mme? (te lasso ire)
Ca stammo nnanze a Ciomma.

BELLUCCIA

Ah, si mme canoscisse
non derisse accossine, arma de scuoglio!

CARLO

Dimme 'na cosa; chella ch'aggio ammata
la canusce tu fuorze? Parla!

BELLUCCIA

Oh quanto!

CARLO

E dimmene quarcosa!

BELLUCCIA

(Ah tradetore!)
Non saccio pe nsì a mo comme lo chiamo
no l'ha affocata, e comme lo dolore
no l'accide! Sospira, s'allamenta,
se despera, s'affrie,
e de chesta manera
passa matura e sera.
E dice ste parole:
«Pecche m'aje abbandonato,
Carlo sgrato,
oh dio! Pecche?»

CIOMMA

Ah, Peppo mio, non chiagnere!
(Io non lo ntenno!)

CARLO

(Io manco lo capesco!)

CIOMMA

Ah Peppo, fremma!

(Belluccia parte.)

Se nn'è ghiuto . . . Pe tte chesto succede!

CARLO

Io no nce corpo a niente,
schitto vorria da te . . .

CIOMMA

. . . 'Na stellettata, che te passasse ll'arma.

CARLO

(E' senape sgrata.)
E mme vuo' . . .

CIOMMA

. . . Vede muorto.

CARLO

Io songo . . .

CIOMMA

Ll'odio mio:
t'abborresco, te sprezzo.

CARLO

Fremma, oh dio,
tu pe mme si' . . .

CIOMMA

. . . Tutt'ira.

CARLO

E buo' esse . . .

CIOMMA

. . . Pe tte sempe teranna.

CARLO

Siente 'na cosa . . .

CIOMMA

Niente . . .

CARLO

Vuo' che bo a morì?

CIOMMA

Sì, va', te scanna!

(Parte.)

Carlo solo.

[Carlo si dispera per l'ennesimo rifiuto di Ciomma.]

CARLO

E qual arma, e qua' core ha sopportato
'no dolore cchiù forte
de chisto che sent'io: so' desperato!
Che fa, che fa la morte,
che chiena de despietto
no mme vene a scippa st'arma da pietto?

(Parte.)

Rapisto, Ciccariello e Col'Agnolo.

[Rapisto intanto torna nella bottega di Col'Agnolo per farsi radere. Memore del consiglio di Ciccariello comincia a rivolgersi a Col'Agnolo gridando e altrettanto fa Col'Agnolo con lui.]

RAPISTO

Ciccariello! Ciccariè . . .

CICCARIELLO

Oh Rapisto! Bemmenuto.

RAPISTO

Si nc'è masto Col'Agnolo
me vorria sbarbizzare.

CICCARIELLO

Sta ccà. (Non te scorda de lo strellare.)

RAPISTO

(strillando)

Schiavo, si' masto Col'Agnolo.

COL'AGNOLO

(Puozze morì de subbeto,
mm'ha storduto; isso è surdo, ed a me strilla.)

CICCAMELLO

(E' bizejo de li surde.)

RAPISTO

(Manco m'avaria ntiso.)

COL'AGNOLO

(Siente a mme.)

(Strillando)

Bemmenuto

RAPISTO

(Oh fuss'acciso! Ciccariello . . .)

CICCARIELLO

(Che dice?)

RAPISTO

(Chisto, che rnmalor'ha?)

CICCARIELLO

(Non saccio niente.)

RAPISTO

Si' llesto?

COL'AGNOLO

Signorsì, comm'a sargente.

CICCARIELLO

Jamme . . .

RAPISTO

Tu mm'aje da radere.

CICCARIELLO

Cierto!

RAPISTO

Lo cielo me la manna bona!
(Ah ah ah, comm'è locco!)

CICCARIELLO

Via mo, animo e core!
(Ah ah ah, chist'è gusto de segnore!)

Entrano tutti nella barberia.

Meneca, po' Ciccariello, e Col'Agnolo.

[Ciccariello esce dalla barberia con una bacinella in mano e si scontra con Meneca che lo rimprovera. Non vedendolo ritornare in negozio Col'Agnolo esce per vedere cosa sta succedendo e prende le difese di Ciccariello.]

Ciccarielìo esce dalla barberia con un bacile in mano e la urta

MENECA

Ciccariè, che si' cecato?
Che, si' fatto Rapisto?

CICCARIELLO

(lo me l'abbiarria sto vacile a lo musso.)
Si', non t'aveva visto

MENECA

Tu non aje descrezejone
e po' vuo' ave' raggione.

COL'AGNOLO

(uscendo dalla barberia)

Ched'è, si' stato acciso lloco fora?
Oh co buje chiacchereja . . .

CICCARIELLO

E comme stace bella.

MENECA

Ussorìa nce coffeja!
Vi' ca sti zerolille . . .

COL'AGNOLO

Chiano 'no poco?

MENECA

Leva!

CICCARIELLO

Se sa da me che buo?

Ciomma da la fenesta e li stisse, poi Rapisto.

[Alla confusione si affaccia anche Ciomma. Nel frattempo Rapisto esce con il viso ancora insaponato; Col'Agnolo, che è impegnato a discutere con Meneca, comanda a Ciccariello di tornare in barberia e finire di radere Rapisto.]

CIOMMA

Che su' sai strille?

COL'AGNOLO

Che, ll'aje asciato sulo
sto povero fegliulo?

RAPISTO

(uscendo dalla barberia con la faccia insaponata)

Quanno mmalora scompe sto contrasto?

CIOMMA

Oh che bella fegura!

MENECA

E che buo', che te sbatta
la capo pe sse mura?

RAPISTO

Aggio da ì co meza varva fatta?

CICCARIELLO

Ammene.

COL'AGNOLO

Via fenesce tu 'sta varva.

CICCARIELLO

Jammo.

RAPISTO

Tu 'nn'aja da radere?

CICCARIELLO

Cierto.

RAPISTO

Lo cielo me la manna bona.

(Rapisto e Ciccariello rientrano nella barberia.)

CIOMMA

Ch'è stato sto contrasto?

COL'AGNOLO

Mo ve dich'io, sia Ciomma . . .

MENECA

Leva da lloco tu . . . vide sti panne . . .

COL'AGNOLO

Lassa parlare a mmene . . .

MENECA

Oje, varvajanne,
agge creanza . . . mente stea felanno . . .

COL'AGNOLO

Stea facenno la varva . . .

MENECA

Chillo facce de mpiso . . .

COL'AGNOLO

Sto povero fegliulo . . .

Rapisto, Ciccariello e li stisse.

[Rapisto esce di corsa imprecando contro Ciccariello che ha rischiato di tagliarlo. Ne nasce una baruffa tra tutti.]

RAPISTO

(uscendo dalla barberia seguito da Ciccariello)

Va', rade li forzate,
fuss'acciso!
Tene 'no cortellaccio pe rasulo!
Bene mio, m'ha spaccata sta mascella!

CICCARIELLO

Jammo a fornire.

RAPISTO

E non vuo' ghì a rnmalora?

MENECA

Vattenne.

RAPISTO

Si' Col'A . . .

COL'AGNOLO

Mo, bene mio, non mmottà.

CICCARIELLO

Jarnmoncenne.

CIOMMA

Forniscela mo zia, via trasetenne!

MENECA

Vi' che lazzaro mbroglione!

RAPISTO

Facce mia!

COL'AGNOLO

Che marrone!

RAPISTO

Quanto sango!

CIOMMA

Trase zia!

MENECA

Te nne voglio fa pentì!

COL'AGNOLO

Vecchiacone!

CICCARIELLO

Lassa ire!

RAPISTO

Jammo, sbrigame a me mo!

COL'AGNOLO

M'aje acciso, mo, mo, mo!

MENECA

Varvajanne, sciò, sciò, sciò!

CIOMMA

Via fornite, no cchiù mo!

COL'AGNOLO

Scortecone, sciò, sciò, sciò!

Titta, Ciomma

[Titta contìnua a fare la corte a Ciomma che lo deride.]

CIOMMA

Te 'l'aggio ditto che mme staje da rasso!
Comme lo buo' sentì? Ca parle sparo?

TITTA

E mme vuo' fa magna propejo lo grasso!
Ajemmé, ca si' cchiù tosta de l'acciaro.

Cario, e li stisse.

[Nel frattempo arriva Carlo che si nasconde credendo che Titta stia caldeggiando la sua causa. Quando capisce che invece Titta è un rivale esce allo scoperto e ne nasce un acceso litigio.]

CARLO

Chesta è la quarta vota
ch'oje torno ccà! Ma vecco Titta e Ciomma!
Mo parlarrà pe mme!

CIOMMA

Via, parla!

TITTA

Nzomma, vuo' vede desperato
chi pe tte n'arrecetta?

CARLO

(Oh che amico nnorato!)

CIOMMA

No nc'è auto de chesto?

TITTA

Aspetta, aspetta!

CIOMMA

Aspettammo, dì appriesso.

CARLO

(Nigro Titta, fa chello che pò fare
l'agio obbreco.)

CIOMMA

Me pare che tu si' assaje
cchiù peo de lo si' Carlo.

TITTA

Che nne vuo' fare de sso milordiello?
Io schitto pe mme parlo.

CARLO

(Oh mmalora, isso amma Ciommetella!
Che grancio avea pegliato! Che briccone!
Va' te fida a l'ammice!
No lo pozzo zoffrì!) Che bell'azzejone!
Non te turbare! Saccio ca te guasto
lo fatto tujo! Non te ì mbroglianno!

CIOMMA

Io voglio sta a sentire sto contrasto.

TITTA

Io mo propejo pé te le stea parlanno,
(comm'è benuto a tiempo . . .)
non me date sto sfriso!

CARLO

Busciardo! lo co sti rrecchie faggio 'ntiso!

(Parte)

Ciccariello e Masto Col'Agnolo che lo tira pe la recchia, ca lo vo' vattere.

[La burla di Ciccariello è scoperta e solo il suo atteggiamento contrito gli evita le botte]

CICCARIELLO

Mo ve dico lo mbroglio comm'è ghiuto.

COL'AGNOLO

Mulo canzirro!

CICCARIELLO

Ajuto.

RAPISTO

Dalle! ca m'ha tagliato mezza facce.

CICCARIELLO

Rapisto mio, non ll'aggio fatto apposta.
Ajutame!

RAPISTO

Ch'ha fatto nè, Col'A?

COL'AGNOLO

Non sa' la joja de lo strellare?
E' stata mbroglia soja!

RAPISTO

Né? Tanto saje, e ancora non si' nato?

COL'AGNOLO

(legandolo)

Te voglio scortecare!

CICCARIELLO

Rapisto, sto mmalato:
te guarda ll'arma, non me fa attaccare!

RAPISTO

Via, pe sta vota, perdonalo, si' masto!

CICCARIELLO

No lo boglio fa cchiù!

COL'AGNOLO

Via, statt'a ppasto.

CICCARIELLO

RAPISTO

Lassalo ì 'mmalora,
vuo' che te mora 'mmano?

COL'AGNOLO

Ca tu non saje ancora
che scorza de nocella ch'è sso mpiso!

CICCARIELLO

(Si quanno songo asciuto non te
nne faccio n'auta cchiù peo, sia acciso.)
Che veggio fatto
che m'accedite
de sta manera?
Io crepo e schiatto
matina e sera,
e buje me date
sempe mazzate:
pecche, pecche?

RAPISTO

Vìa sciuoglielo, ch'ha ditto
ca no lo bo' fà

COL'AGNOLO

Siente me, guitto:
t'aje sparagnato mo d'ave 'na ntosa,
ma nnante che sia notte
te voglio fa sta frisco comm'a rosa.

(Parte.)

Rapisto e Meneca

[Rapisto e Meneca sentenziano sul destino della gioventù e mettono in guardia dai seduttori]

RAPISTO

Dico la verità: sti peccerille
mme fanno pazzejare.

MENECA

Oje. piezzo d'aseno!

RAPISTO

Ched'è nn'avìmmo nomme? Piezzo d'aseno?

MENECA

Vuo' che re rompa buono buono l'ossa?
Comme si' brutto le', me faje sorrejere!

RAPISTO

(E tu aje fatto la torta a lo diavolo.)

MENECA

Ammarcia dinto, ca te vole Ciomma.

RAPISTO

Meglio lo mmaretasse a sta venuta.

MENECA

Che mmaretà? Non è de Chelle: chesta
non vo' manco sentire
nnommenà lo marito.

RAPISTO

Né, poverella, mozzeca sto dito!

(Parte)

Ciccariello e Meneca

[Ciccariello si vuole vendicare di Col'Agnolo e gioca uno scherzo a Meneca; le fa credere che Peppariello fa tutto ciò che Col'Agnolo gli comanda e se lei vuole sposare Peppariello deve ingraziarsi prima il padrone regalandogli l'anello che porta al dito. Ciccariello se la ride sotto i baffi]

CICCARIELLO

Oh, vecco la sia Meneca
(Mo nce la voglio fà tonna a lo masto!)

MENECA

Oh Ciccariello!

CICCARIELLO

Schiavo a lor segnure.

MENECA

Avisse visto lo si' Peppariello?

CICCARIELLO

Sa' addove ll'asciarraje?
Cierto e securo dinto a lo core tujo!

MENECA

Ah frabbuttone! Nc'aje dato 'm miezo.

CICCARIEIXO

(Vi' che calascione.)
Lo masto mio te po' fa asci da guaje.

MENECA

E commo?

CICCARIELLO

Lo sio Peppo
fa cheUo che bo' isso;
e si volisse fa lo matremmonejo
de te co Peppariello
abbasta che le muoUe st'anelluccio
che mo tiene a lo dito
ca cierto Peppo te sarrà marito.

MENECA

Uh Ciccariello mio,
le voglio dà tutte le robbe meje.

CICCARIELLO

(E' lo vero retratto de la pesta.)

MENECA

Ch'aje ditto?

CICCARIELLO

Ca si' lesta.

MENECA

Comm'aje ditto?

CICCARIELLO

(Bonora abbiannélla.)
Schiavo, ch'aggio da fare?

(Parte)

Meneca sola

[Rimasta sola Meneca medita sul triste destino che obbliga anche le donne belle, come lei si considera, a dover pagare per avere uno spasimante.]

MENECA

A che mme jova ave sta facce bella
si aggio da pagare
p'avé 'no guitto che mme voglia bene.
Femmmene poverelle,
vide a che nc'hanno st'uommene arreduotte:
si fanno chesto a nuje, che simmo belle,
considera mò a chelle che so' brutte!

(Parte)

Col'Agnolo e Ciccariello

[Arriva Col'Agnolo e Ciccariello gli dice che Meneca si è infatuata di lui e gli vuole regalare un anello in segno del suo amore. Col'Agnolo insinua che potrebbe essere un altro dei suoi scherzi]

COL'AGNOLO

Io non pozzo avè peo
de ire a fa la varva a cierte tale
no nce le truove maje.

CICCARIELLO

(Oh! manco male.
Mo voglio compri ll'opera.) Si' masto,
la sia Mencea è stata ccà ma propejo,
e mm'ave confedato
ca spanteca pe buje
ca ve vo' regala 'no bello aniello
quann'essa s'assecura
ca le volite bene.

COL'AGNOLO

A mme?

CICCARIELLO

Gnorsì; volite che nce jura?

COL'AGNOLO

Siente buono, forfante:
vi' che chessa non fosse
qua cosa comm'a chella de mo nnate!

Col'Agnolo, e po' Ciomma

[Arriva Ciomma e Col'Agnolo non perde occasione di insistere nel suo corteggiamento mentre lei tenta continuamente di cambiare discorso. Col'Agnolo cerca di convincerla con la motivazione che bisogna essere comprensivi con i vecchi che tornano . . ragazzini]

COL'AGNOLO

Oh vecco la sia Ciomma!

CIOMMA

Sempe chisto mme vene pe da nante.
Trasimmoncenne.

COL'AGNOLO

Aspetta no tantillo,
ca mo mo te nne vaje.

CIOMMA

E che buo?

COL'AGNOLO

No lo ssaje?
Voglio 'na cosa che mme la può' dare

CIOMMA

(Uh, e che lòtano!)

COL'AGNOLO

Siente:
ssa facce m'addecreja,
sso . . .

CIOMMA

Siente lo marvizzo ca zeccheja?

COL'AGNOLO

Si, ll'aggio ntìso; a nuje.
Ah Ciomma bella mia, tu schitto puoje
levareme . . .

CIOMMA

Che friddo che fa oje!

COL'AGNOLO

N'è niente, po' te scarfe.
Tiene mente schitto co ss'uocchie a zennariello,
e dapo' . . .

CIOMMA

Saje si è sciuto Peppariello?

COL'AGNOLO

Non saccio. Oh dio, famme 'na bona cera,
musso d'oro . . .

CIOMMA

Sapisse
si se fa la commeddia ccà sta sera?

COL'AGNOLO

(Oh mmalora!) Gnorsì. Vide ca squaglio
ca sto . . .

CIOMMA

Non vide Titta,
ca se spassa a lo maglio?

COL'AGNOLO

Oh, oh! Che malann'aggia
lo marvizzo, lo friddo, Peppariello,
la commeddeja, lo maglio, Titta e io!
Che, mme vuo' fa crepa 'na vena 'm pietto?
Vuo' che mora de subberò, 'mmalora?

CIOMMA

(Ah ah ah, me nce spasso a lo mmacaro.)
Che, t'aje pegliato collera?

COL'AGNOLO

Ma si mme schiatte 'n cuorpo!
All'utemo, che d'è? Siente 'na chiacchiera.

CIOMMA

Via, di' chello che buoje, ca mo te sento.

COL'AGNOLO

Tu già saje ca pe tte non aggio abbiento.

(Parte)

Ciomma sola

[Ciomma è veramente sconsolata; da una parte la persona desiderata, Peppariello, la respinge e dall'altra si deve difendere da troppi corteggiamenti "indesiderati"]

CIOMMA

Non sulo Peppariello
mme fuje e me desprezza,
chisto porzì mme fa magna la rezza.
Povera Ciomma, aje da morì securo;
desperata te vide
ntra lo cavecio e lo muro!
Peppo morta mme vo', chisto m'accide.

(Parte)

Belluccia e Cario

[Belluccia/Peppariello scopre che anche Carlo prenderà parte alla commedia prevista per la sera e medita di svelare pubblicamente il suo travestimento]

BELLUCCIA

Io non sapeva ca tu puro riecete
a sta burletta che se fa stasera.

CARLO

Songo stato mpegnato.

BELLUCCIA

(Voglio vede, co li vestite mieje,
de mme scoprì a lo sgrato.)

CARLO

Orsù, che mm'aje da dicere!

BELLUCCIA

'Na cosa schitto pe lo bene tujo.

CARLO

Ed èje?

BELLUCCIA

Pocca Ciomma t'ave 'nn odio,
lassala ì a malanno.

CARLO

(Che dottore, d'aguanno!)
Obbrecato a ussorìa de la conzurta.

(Parte)

Carlo e Belluccia

[Belluccia/Peppariello, brandendo una spada, vuole costringere Carlo a rispondere della sua infedeltà. Dopo una serie di domande incalzanti, Carlo spazientito riconferma la sua dimenticanza dell'antico amore; Belluccia disperata lo costringe ad un duello e lo ferisce leggermente]

BELLUCCIA

(inseguendo Carlo con una spada in mano)

Fremmate, Carlo, aspetta.

CARLO

E che corzara è chesta ch'aje pigliata?
Oh dio, tu co sta spata
mme farrisse passà da parte a parte;
da me che buo'? lassame ire, Peppo!

BELLUCCIA

Vuo' che te lassa ire?

CARIO

Sì

BELLUCCIA

Va' chiano!

CARLO

Tu mme vuo' schiatta 'n cuorpo;
leva mano a sto parlare equivoco.

BELLUCCIA

Si nnanze te venesse chella scura,
che tu a la patria toja abbannonaste . . .

CARLO

(Ora vide che lòtano!)

BELLUCCIA

E te decesse . . .

(indicandogli una sedia)

assettate!

CARLO

Non serve.

BELLUCCIA

(minacciandolo)

Oh dio!

CARLO

(sedendosi)

E tu vuo' sta a l'allerta?

BELLUCCIA

Si nnanze te venesse chella scura, che tu . . .

CARLO

. . . a la patria mia abbannonaje.
Appreisso!

BELLUCCIA

E te decesse . . .

CARLO

(porgendo una sedia)

Piglia!

BELLUCCIA

Obbrecatissemo.

CARLO

E accossì?

BELLUCCIA

Te decesse "A Carlo mio,
io songo, io songo chella sfortunata
che duodece anne arreto aje tanto ammata",
che le responnarrisse?

CARLO

E tu che nne vuo' fare de ssi guaje?

BELLUCCIA

E chisto è lo'piacere
che m'avissa da fa.

CARLO

(Statte a bedere ca non fornesce ccà.)

BELLUCCIA

(Già s'è mbrogliato! Ammore, tu m'ajuta!)

CARLO

Io le responnaria
"Va', tornatenne pe do' si' benuta?"

BELLUCCIA

"Va', tornatenne pe do' si' benuta?"

CARLO

Embè, che buo'?

BELLUCCIA

Bella resposta, sgrato!
Dapo' che m'aje levato
e la famma e l'ammore,
accossì me respunne? Ah, ngannatore!

CARLO

Ma chesto . . .

BELLUCCIA

Deciarria chella scontenta
si nnanze te venesse!

CARLO

(Chisto da me che bole?)

BELLUCCIA

Addo' so' le mpromesse?
addo' la fede? addo' li juramiente?
Ommo senza parola, ommo de niente!

CARLO

Chesto è soperchio!

(Si alza)

BELLUCCIA

Aspetta!

CARLO

Lassamm'ire ste cose.

BELLUCCIA

No, statte a posto.

CARLO

Oh dio, tu mme confunne!

BELLUCCIA

No, ll'aje mprommisso; assettate e
respunne.

CARLO

(Mo te chiaresco io.)
Io le derria "Pecche non te si' stata
a lo pajese tujo ad aspettare
ch'attennere io venesse la parola
che t'aveva jurata?"
Una che bace spetta sola sola
maje se po' dì ch'è femmena norata.

BELLUCCIA

Chesto de cchiù! Serra sta vocca infammo!
E qua' signe d'ammore
te potea dà cchiù forte chella scura
che benirete appriesso?

CARLO

Nne potea fa de manco.

BELLUCCIA

Abbannonà la patria e li pariente . . .

CARLO

Chi nce ll'ha commannato?

BELLUCCIA

A riseco de perdere la vita . . .

CARLO

Non se fusse partuta da la casa!

BELLUCCIA

Una che t'amma tanto e che t'adora!

CARLO

Aggio auto pe la capo!

BELLUCCIA

La vuo' fa desperà?

CARLO

N'è morta ancora?

BELLUCCIA

N'e morta ancora!

CARLO

Si n'è morta ancora
già me ne so' scordato:
io non la voglio cchiù! Te si' quietato?
Non parle cchiù? Ched'è? Già te sconfìde?
A sta proposezejone,
che resposta mme daje?

BELLUCCIA

(sguainando la spada)

Chesta che bide.

CARLO

Si' pazzo, co chi ll'aje?

BELLUCCIA

Miette mano te dico, o te sbodello.

CARLO

(sguainando la spada)

Tu vaje cercanno propejo de morire.

BELLUCCIA

No mporta.

CARLO

Te nne voglio fa pentire!

BELLUCCIA

Si' feruto!

CARLO

N'è niente.

BELLUCCIA

(Ah negra mene!) Vasta!

CARLO

Che buo' abbastà? Mo te servio.

BELLUCCIA

(Non saccio che mme fa; so' morta)

CARLO

A nnuje.

Ciomma e li stisse

[Ciomma si accorge del duello e interviene a fermare i contendenti; Carlo cerca di farsi curare le ferite della mano e del . . . cuore e alla vista di tutto ciò Belluccia/Peppariello vuole morire. Ciomma intanto è divisa fra le attenzioni non richieste di Cario e le inutili gentilezze verso Peppariello. Alla fine tutti e tre cantano le sofferenze dell'amore non corrisposto]

CIOMMA

Ajemmé, che bedo! Ah Carlo, ah Peppo mio!
Pe quanto amme Ciomma,
pe quanto mme vuo' bene,
fornitela, fremmate,
nfoderate ste spate!
Famme sta grazeja! Famme sto piacere!
Si' feruto?

CARLO

N'è niente
ca chi ha fatto lo callo a lo patire
non sente cchiù dolore.

CIOMMA

Ah, poveriello scuro,
nce voglio arravoglià sto moccaturo.

CARLO

Oh dio! Ca tu aje piatate
de sto po' de feruta de la mano,
e de chella che sta dint'a sto core
po' non aje compassione?

BELLUCCIA

(Ah tradetore!)

CIOMMA

Manco se vo' quietà.

BELLUCCIA

Va', dalle gusto,
va', lo conzola, va' va', lo contenta;
va' parlale d'ammore,
mmedecale la chiaja,
falle carizze, abbraccialo . . .

CIOMMA

E bia, zitto!

BELLUCCIA

Lassateme ch'io schitto
mora da desperata . . .
dico: da desperato,
che mm'affria, che mme scanna, che mme sbena.

CARLO

Chesto ched'è?

CIOMMA

Che sfrenesia!

BELLUCCIA

Che pena!

BELLUCCIA

Fortuna cana, oh dio,
dimme che te facc'io!

CARLO

Ammore tradetore,
che buo' da chisto core?

CIOMMA

Destino mio teranno,
levame da st'affanno.
Quanno la vuo' scompì!

CARLO

Bellezza de sto core!

BELLUCCIA

Facce de tradetore!

CIOMMA

Tu si' la morte mia!

CARLO

Che t'aggio fatto?

CIOMMA

Abbìa.

BELLUCCIA

Carlo non te partì.

CIOMMA

E lassanillo ì.

CARLO

Tu mme vuo' fa mpazzì.

(Partono)

Col'Agnolo, Ciccariello, Meneca

[Col'Agnolo e Ciccariello vedono arrivare Meneca che sospira d'amore; Ciccariello fa credere a Col'Agnolo che è lui l'oggetto del desiderio. Col'Agnolo ci crede e si fa dare da Meneca l'anello, ma poi le dice che non vuole avere niente a che fare con una "vecchia". Meneca gli risponde a tono]

COL'AGNOLO

Vi' che può' fare co ssa vecchia, sbrigate.

CICCARIELLO

Mme pare ca mo esce

MENECA

Oh bene mio, ca songo nnammorata!
Me l'ha fatta sto guitto!
M'è ghiuto postejanno, e m'ha ncappata?

CICCARIELLO

(Si' ma', che t'aggio ditto?)

COL'AGNOLO

(E' lo vero, aje raggione.)

CICCARIELLO

(Miettete a sto pontone
e siente appriesso.)
Schiavo, sia maesta.

MENECA

Oh Ciccariello mio!

COL'AGNOLO

(Stamo a sentì)

CICCARIELLO

(Che sfazejone è chesta!)

MENECA

Che fa lo bello fato, chella facce de rose,
chillo mussillo, chella gioja mia?

COL'AGNOLO

(A mme?)

CICCARIELLO

(Sì, a tte.) Pe isso addonca squaglie?

MENECA

Moro pe sto gioiello.

CICCARIELLO

(Vide commo abbampa?)

COL'AGNOLO

(Che me molla l'aniello,
e po' ben aggia ll'ora che nce campa.)

MENECA

Oh si' masto Col'Agnolo,
te sia racommannata,
ca tu mme può' levare de ste pene.

COL'AGNOLO

Segnora mia, non saccio che ve dire,
io me voglio sforzà . . . pe ve servire.
(Mmalora, è troppo ponteca!
Non voglio cchiù l'aniello, abbiannella.)

MENECA

Lo saccio ca non songo tanto bella,
ma dice lo proverbio
ch'a casa chiena maje nce manca lena.

COL'AGNOLO

Ma io n'aggio appetito, core mio.

MENECA

Via, ca si vuo', mbè, lo può' fare.

CICCARIELLO

Eh bia.

COL'AGNOLO

Va' tu a peglià lo vino, Ciccariello.

CICCARIELLO

Mo.

(Parte)

COL'AGNOLO

Mollame l'aniello!

MENECA

Eccolo ccane

COL'AGNOLO

Via, ch'avimmo da fare?

MENECA

Mo te lo dico, bell pane pane:
tu mm'aje da fa 'no bello reffejano.

COL'AGNOLO

Io roffejano?

MENECA

Non te piglia collera.

COL'AGNOLO

Ciccariello! Uscìa parla a lo sproposeto.
Via, levammo ste baje:
vuo' che te vogUa bene? Io te nne voglio,
non t'affrijere cchiune!

MENECA

E voglio . . . ? e voglio . . . ?

COL'AGNOLO

Tu che mmalora vuo' da fatte mieje?

MENECA

Oje ntacca-musse, arrappa-portarrobbe,
taglia-chiattille, sacco de cravune,
io mo co ttico? Io!

COL'AGNOLO

Chesta che bo?

MENECA

Via, vommeca l'aniello,
da' ccà.

COL'AGNOLO

Non mozzecare!

MENECA

E lassa, malenato,
oh, puozz'essere acciso!

(Parte)

COL'AGNOLO

Vide che becchia vezejosa è chesta.

Col'Agnolo, po'Rapisto, Meneca e Ciccariello

[Col'Agnolo vuole vendicarsi di Meneca e progetta di rubarie il suo "beautycase"; con una scala cerca di arrampicarsi sul balcone di Meneca ma la scala cade e lui rimane appeso a gambe all'aria. Col'Agnolo chiede aiuto a Rapisto ma quest'ultimo non s'è dimenticato della beffa della barba e invece di aiutarlo lo tira per i piedi. Nel frattempo Meneca esce sul balcone e accorgendosi di Col'Agnolo aggrappato, pensa che stia andando a molestala. Per ultimo arriva Ciccariello e ne nasce una enorme baruffa]

COL'AGNOLO

Mme vorria vennecare de sto tratto.
Oh, mo mme vene fatto!
Pe la fa desperare
io le voglio arrobbare
chella carrafa de lo cuoncio. Oh bravo,
vecco ccà la scalella!
Da ccà no nc'è nesciuno,
pocca chesta è 'na strata soletaria.
Mo nne la zeppolejo.
Priesto, pe ll'aria!

(Appoggia la scala al balcone della casa di Meneca e sale, ma poi la scala gli scivola e resta attaccato alia ringhiera.)

Oh, bonora, la scala! Cielo ajutame!
Ciccariello! Diàschence ch'è asciuto!
si stollo e chiammo ajuto, faccio peo.
Oh povero Col'Agnolo!

RAPISTO

Ah ah ah. Che mmalora.
Che faje lloco,
carosa-connannate?

COL'AGNOLO

Zitto! Ajutame frate,
Rapisto mio, te voglio pe compare.

RAPISTO

Che compare! te voglio fa sta frisco:
ccà se tratta de ratto virginabus!

COL'AGNOLO

Oh, ll'aggio fatta negra! uh che rovina!

RAPISTO

Non t'aje pegliato gusto stammatina
a farme fa sta facce felle felle?
Tè mo.

(Lo tira per i piedi.)

COL'AGNOLO

Chiano Rapisco: si' mpazzuto?

RAPISTO

Ah mo mme vene fatta!

COL'AGNOLO

Vi' ca m'annieghe.

RAPISTO

Schiatta!

COL'AGNOLO

Te voglio fa n'anno de varve a uffo.

RAPISTO

A chine? eh! non vuo' ire a scorzàà chiuppe?

COL'AGNOLO

Oh bonora, cionchìa!

MENECA

(comparendo sul balcone, a Rapisto)

Ched'è? tu sempe staje co la pazzia!

(Accorgendosi di Col'Agnolo.)

Uh negra me, che faje tu lloco?

RAPISTO

Aje visto?

MENECA

Repotazione mia!

RAPISTO

Lupus in fraveca prò scaliazione, sia mae', mpisetur!

MENECA

Uh, tezzone de nfierno, te sia rutto
accossì a tte lo cuollo!
Testemmoneja vosta
ca chisto m'è benuto
a levare l'annore.

COL'AGNOLO

(Manco la toccarria co 'no spito nfocato.)

MENECA

Ma no nne magne affé de sto pegnato.

CICCARIELLO

(arrivando in scena)

E zezzella, mia zezzella,
facce de zuccaro e de cannella,
si faggio mma . . .

COL'AGNOLO

Puozze morì de subbeto!

CICCARIELLO

Oh si' masto! . . .

COL'AGNOLO

Non vi' ca sto a la corda?
Auzame sta scalella

RAPISTO

Cicco non t'accostare!

MENECA

Leva le', ca lo voglio stravesare.

COL'AGNOLO

Fa' priesto co sta scala
Ciccarie'! Mo sè vede . . .

MENECA

Chesto a la casa mia, facce de mpiso!

CICCARIELLO

(accostando la scala)

Via, mo miette lo pede.

COL'AGNOLO

Tiene, che fuss'acciso!

MENECA

Tè, già che non pozz'auto.

(Lo bagna con uno schizzetto.)

CICCARIELLO

Non vuo' scompire co sto sghizzariello?

RAPISTO

Schiatta!

MENECA

Crepa! Crepa!

CICCARIELLO

Aje da fa co Ciccariello!

MENECA

Vi' che masto, che guarzone!
Che barviero arroinato!

COL'AGNOLO

Vecchia, vecchia!

CICCARIELLO

Mascarone!

RAPISTO

Chiano chia', ca mm'aje sciaccato!
Mena mena, sia majesta!

COL'AGNOLO

Mena, Cicco!

CICCARIELLO

Pesta pesta!

RAPISTO E MENECA

Mo te voglio fa vede!

COL'AGNOLO E CICCARIELLO

Che buo' fare? Tè tè tè!

Belluccia e Col'Agnolo

[Davanti alla bottega del barbiere, Col'Agnolo e Belluccia giocano a carte]

BEUUCCIA

Vi' ca po' se fa tardo, e n'aggio tiempo
de mme vestire femmena.

COL'AGNOLO

Uh! Che tanto nce vole? doje partite
schitto facimmo, e po' nce n'abbiamomo.

BELLUCCIA

Sbricammonce.

COL'AGNOLO

So' lesto:
cco le carte co la tavolella.

BELLUCCIA

Orsù quanto vuo' fa?

COL'AGNOLO

'Na decinchella.

BELLUCCIA

E marcio.

COL'AGNOLO

E marcio, via.

BELLUCCIA

Col'A', mme vince!

COL'AGNOLO

Ah!, carta venga e giocator s'avanta!

BELLUCCIA

Si, ma tu juoche fino.

COL'AGNOLO

Oh, ca tu si' 'no bello marranchino!
Auza.

BELLUCCIA

N'asso.

COL'AGNOLO

'No tre, voglio la mano.

BELLUCCIA

E puro st'avantaggio!

Titta, Ciomma, Carlo, Meneca dalla loggia e li stisse.

[Mentre Belluccia e Col'Agnolo continuano a giocare, dall'altra parte del cortile Carlo e Ciomma sono alle prese con la solita disputa amorosa quando Titta, preso dalla gelosia, si scaglia contro Carlo con una spada. Belluccia/ Peppariello accorre spaventata; intervengono anche Ciomma e Meneca e dopo un po' di confusione tutti tornano alle loro case]

CIOMMA

Vattenne mo.

CARLO

Potta de chi non crede!
E che, songo mpestato
che mme caccie accossi?

TOTA

Che cana perra!

COL'AGNOLO

E che freoma che aje!

BELLUCCIA

Tè: cavallo de spata.

COL'AGNOLO

Mme la faje!

CARLO

Donca non aje de me propejo piatate?

MENECA

Vi' si se nne vo' ire!

CARLO

Ora mo non te pozzo cchiù zoffrire.

CIOMMA

Schiatta!

CARLO

Da' ccà sta mano.

CIOMMA

Ah briccone!

MENECA

Ah forfante!

TITTA

(avventandosi su Cario con la spada)

Ajemmé, va chiano!

CARLO

Sì, accideme.

COL'AGNOLO

Oh bonora!

BELLUCCIA

Ah Carlo mio,
ch'è stato? ched'è chesto?

CARLO

Via, da' gusto a sta sgrata,
viene, m'accide tu!

BELLUCCIA

Lassa sta spata!
Piglia, Carlo,
Ched'è, so' fatte pulece
le gente, che accossì
tu le buo' accidere?

CIOMMA

Comme, tu vaje 'n favore
a 'no nemmico tujo?

BELLUCCIA

Sto nnemmico me sta dinto a lo core.

MENECA

Levate, ca nne voglio fa mesesca.

TITTA

Fremma mamma, che faje?

MENECA

Lassa tu, n'auto!

CARLO

Ah, canaglia assassine!

BELLUCCIA

Te vorria caccia ll'arma da lo pietto.

TITTA

Mamma, vi' ca te perdo de respetto.

CIOMMA

Tu contr'a Ciomma toja?

MENECA

Tu contr'a mammeta?

BELLUCCIA

Accossì bo' la sciorte.

TITTA

Chisto m'ha liberato da la morte.

MENECA

E che, pe chesto le . . .

TITTA

Trasitevenne.

BELLUCCIA

No nne la vuo' portare?

TITTA

Eh jammoncenne!

MENECA

Trase ccà tu, fegliola.

CIOMMA

Che briccone: m'avive asciata sola!

(Partono)

Belluccia, Carlo

[Belluccia/Peppariello consola Cario dicendogli che farà di tutto per porre fine alle sue pene d'amore. Belluccia ha in mente di comparire «travesuta» da donna nella commedia che si reciterà la sera, nella quale Carlo ha la parte dell'amante, per vedere se lui la riconoscerà.]

BELLUCCIA

Ched'è, Carlo? non parle, staje confuso?
Vi' pe tte quanto faccio!
Mm'aje obbreco? respunne a mme!

CARLO

BELLUCCIA

CARLO

BELLUCCIA

CARLO

S'accosta 'na galera de la quale scenneranno duje schiave, che attaccaranno lo capo 'n terra; po' co lo sparo de lo cannone e suono de tammurro sbarcarà lo Capetaneje co 'na quantetà de schiave e schiavi, pigliate 'n coppa 'na corzara torchesca.

[Al porto approda una galera; seguito da schiavi e schiave che intonano una "turchesca", scende a terra il capitano Mariano, che è in realtà il padre di Belluccia]

CAPITANO

(Parte)

Meneca da la loggia, Col'Agnolo, da la soja pur accossì, Ciomma, e po'Assan.

[Meneca è preoccupata dell'arrivo dei "turchi" che rapiscono le donne giovani e belle; Col'Agnolo sfrontato le ricorda che lei sicuramente non corre alcun pericolo! Lo schiavo Assan, che sta cercando un posto per gli alloggiamenti, attira l'attenzione di Meneca e di Ciomma che chiedono di veder ballare una "turchesca"]

MENECA

Masto Col'A', ch'è stato, chi so' chiste?

COL'AGNOLO

No lo bi' ca so' turche?

MENECA

Uh, negra mene,
ca jarranno trovanno belle femmene
pe le portare a lo serraglio: e io
cierto ca so' la primma!

COL'AGNOLO

Tu? Nn'aje paura, no!

MENECA

Pecche?

COL'AGNOLO

Si' grimma.

MENECA

Io mo t'abbiarria
sta testolella 'n facce,

COL'AGNOLO

A te vonno porta chiste 'n Turchia?
Che, buo' fa storzella lo Gransegnore?

CIOMMA

Se po' sape ched èje sso remmore?

MENECA

So' turche, figlia mia

ASSAN

Eh compar, dove star qui alloggiamenta?
Volir sapira capitania mia.

COL'AGNOLO

(Mo lo manno a la casa de la vecchia.)

ASSAN

Respondir! o mo far fora pellecchia?

COL'AGNOLO

Fora pellecchia? mo calar a bascio.

MENECA

Bell'omo, no ve sia pe commanno,
decitece chi site,
ca posta vuje ne avite gran paura.

ASSAN

No, non temir, non dubitar, seniura.

CIOMMA

Commo so' aggrazejate chiste schiave.

MENECA

Dice ca l'ha pegliate
da coppa a 'na corzara
varvaresca,
e tanta belle cose sanno fare,
e nfra ll'aute porzì
sann'abballare.

CIOMMA

Che gusto, sa'? Oje bello schiavo mio,
famme vedé abballare a la turchesca.

ASSAN

Seniura sì.

COL'AGNOLO

Da' gusto a ssa segnora.

ASSAN

Seniura, mo vedir far crapejola.

CIOMMA

E biva veramente!

TUTTI

E viva, e viva!

(Partono.)

Ciccariello solo, da femmena

[Iniziano i preparativi per la commedia. Ciccariello si compiace del suo travestimento da donna]

CICCARIELLO

Pare ca no sto male
accossì travestuto
paro 'na peccerella naturale;
stasera propejo me farraggio annore
a fa la parte mia,
ca sto de buon umore.
Ma vogl'ire a trovare la sia Ciomma
pe m'aghiustà 'no poco li caprile.
S'io mo fosse femmena,
co chisto speretillo
vorria tenè a la corda miezo Napole,
pe fa cadé quarcuno
propejo da facce 'n terra
co 'na tenutamente,
Chelle che sanno fare
chiste licchesalemme
ncappano miezo munno,
e no ste facce lisce gnemmegnemme.

Ciomma dalla loggia, Rapisto e lo stisso

[Ciomma si compiace del travestimento di Ciccariello; entra Rapisto e Ciomma chiede loro di improvvisare due scene della commedia. Rapisto si mette la maschera di Pulcinella e i due si cimentano in una scena d'amore e una di collera]

CIOMMA

Oh bravo Ciccariello! tu mme pare
'na cosella de spanto!

CICCARIELLO

M'aggio fatto vestì da la commare.

RAPISTO

Oje sia Ciomma, è n'incanto!

CICCARIELLO

Orsù, via, jammo mo.

CIOMMA

Chiano 'no poco,
viene ccà, saglie 'n coppa.

CICCARIELLO

E bia saglimmo.

CIOMMA

No no, facite primmo
nziemo 'na scenolella cosella.

CICCARIELLO

Chello che bole la sia Ciommetella.

RAPISTO

Via priesto, anemo e core.

CICCARIELLO

Doje parole d'ammore:
via, miettete la maschera.

ARAPISTO

E lassa ì, n'è necessario chesto.

CICCARIELLO

Rape', si mme vuo' bene . . .

RAPISTO

Via, va decenno ca ce vengo appriesso.

CICCARIELLO

RAPISTO

CICCARIELLO, RAPISTO

Ah, ah, ah, non potimm'ire meglio.

RAPISTO

E biva Cicco.

ACIOMMA

E biva tutt'e duje.
Di' quarcosa de sdigno.

CICCARIELLO, RAPISTO

A nnuje.

CICCARIELLO

RAPISTO

(Partono)

Col'Agnolo, Ciomma e po' Titta

[Ciomma non sa come liberarsi dei tre spasimantì indesiderati. Decide allora di fìngere di dare speranze a tutti e se ne fa gioco]

COL'AGNOLO

Addove sarrà ghiuto? . . . Eh, pisse pisse
fosse venuto ll'oco Ciccariello!

CIOMMA

Sì, sta ccà 'n coppa.
Uh comme pare bello!

COL'AGNOLO

Te pararrà comme tu pare a mene

CIOMMA

(Oh, chisto mo accommenza!)
Zitto si' masto,
ca te voglio bene.
(accossì mme lo levo da vecino)

TITTA

(Vi' ca t'arrivo mo pe lo giardino . . .
Oh, Col'Agnolo e Ciomma!)

CIOMMA

(Vecco Titta, le voglio dà 'no po' de gelosia)

COL'AGNOLO

Donca de st'arma afflitta . . .

CIOMMA

Cojetate, ca tu si' ll'arma mia

TITTA

(Porta de la fortuna!
a chisto addonca vole bene? oh femmene!

CIOMMA

Vattenne, core mio,
che non venesse Titta a sconcecarece.

COL'AGNOLO

Io no nce capo dinto a la cammisa:
dice addavero?

CIOMMA

E comme! (Ah ah, che risa)

COL'AGNOLO

Addonca mo . . .

CIOMMA

Tu mme sarraje marito:
pe tte renunzio Titta e lasso Peppo.

COL'AGNOLO

Bene mio, cà sto dinto a 'no geleppo!

(Parte.)

CIOMMA

(Staje frisco, e Titta llà piglia li butte:
io voglio tenè tutte, e contiente e gabbate.)

TITTA

Oh! mme rallegro assaje.

CIOMMA

De che?

TITTA

Ca 'no varviero
te fa renunzià Titta e lassa Peppo.

CIOMMA

Ah ah, mme faje ridere addavero:
me ll'aggio pasteggiato 'no tantillo.

TITTA

Ne'! Volea dire.

Carlo e li stisse

CARLO

Oh bravo, che bella compagnia!

TITTA

Addonca Ciomma, chi sarrà maje chillo
che godarrà sta ditta de t'essere marito?

CIOMMA

Sarrà Titta!

TITTA

A mme porzi vuo' pasteggiare, Ciomma?

CARLO

(Ahu, che robba, tè!)

CIOMMA

(Veccote Carlo, le voglio dà martiello
pe mme spassa.) Carlo e Peppariello
io le mmantengo 'n frisco
pecche tu si' lo . . . oh dio, ntienneme a sisco!

TITTA

Che sciorta!

CIOMMA

(Comm'è tocco!)

CARLO

(Femmene veramente!
Vide co chi è ncappata, co 'no smocco!)

CIOMMA

Orzù vattene 'n coppa
ma non dì niente a nullo:
tu mo saje che te fa.

TITTA

Chesto va 'n groppa!

CIOMMA

(Spassammoce 'no poco co chist'auto.)

CARLO

Po' decite ca ll'uommene so' mpeitiniente!

CIOMMA

Oh Carlo . . .

CARLO

E ba'co nnio!

CIOMMA

T'aggio da dì . . .

CARLO

Non moglio sape niente.

CIOMMA

Cosa de gusto tujo.

CARLO

(Vide comm'è deritta.)
Saccio.

CIOMMA

Ed è?

CARLO

Ca sarraje mogliere a Titta.

CIOMMA

Ah ah ah. Lo coffejo
pe no lo sentì cchiù.

CARLO

Comme si' nzemprice!
Co chesto mo te cride . . .

CIOMMA

Co chesto che ce dico vedarraje
s'abburlo; siente, Carlo.

CARLO

Di', di', ca non so' surdo.

CIOMMA

Nzì a mo pe Peppo t'aggio desprezzato;
ma già che chisto sgrato
non fa cunto de mene,
voglio 'nn oddio cagna tutto lo bene.

CARLO

Oh bravo! e biva, e biva veramente, addonca.

CIOMMA

Si chi ammava mo desprezzo,
ogne raggione vole
che chi primma sprezzaje, mo devo ammare.

CARLO

Oh che belle parole! Ah ala ah.
E tu pretienne de me nce fa stare?

CIOMMA

(Pare che se lo nzonna!) Siente, Carlo,
è difficile assaje
canoscere lo core de 'na femmena,
e a lo spisso soccede
che chi se vede avè manco favore
chillo meglio dell'aute nce sta 'n core.

CARLO

Tu mo pretienne ch'io . . .

CIOMMA

Carlo, no cchiù, tu si' lo core mio!

(Parte.)

Carlo, Col'Agnolo, Titta, Rapisto e Ciccariello

[Ognuno crede che Ciomma sarà sua ma alla fine si accorgono di essere stati presi in giro]

CARLO

Addonca Ciomma sarrà la mia? che sciolta!
che gusto nnaspettato!
Che mutazejone è chesta: io mo so' nato!

COL'AGNOLO

(Chist'ancora attorneja:
non saparrà ca la sia Ciomma è mia.)

CARLO

A la fine Ciomma s'è arrennuta.

TITTA

(Comme lo dice alliegro.)
E a buje chi ve l'ha ditto?

CARLO

Comme chi me l'ha ditto! essa mo prepejo.
Che gusto ch'aggio avuto.
Obbrecato a ussorìa.

TITTA

Obbrecato a ussorìa!
(Isso s'allegra de la sciorte mia.)

CARLO

Parente mme sarraje.

TITTA

Comme parente?

COL'AGNOLO

(Oh chesta è bella! io songo lo sposo,
e loro fanno compremiente!)

TITTA

Io no ve ntenno.

CARLO

Ciomma non t'è parente?

TITTA

Sì segnore.

CARLO

Addonca, mo ch'ess'è mogliere a mene
se stregne nfra de nuje la parentezza.

COL'AGNOLO

Ah ah ah, poveriello.

TITTA

Mogliere a buje?

CARLO

Nsì a mo che t'aggio ditto?

TITTA

Si' Carlo, me faje ridere:
pocca è mogliere a mmene.

COL'AGNOLO

(Oh chesta è meglio!)

CARLO

Ah ah, staje n'arrore, ch'è mia:
mo me nne songo assecurato.

COL'AGNOLO

(Che papurchie! Non sanno
ch'aggio fatt'io la botta; ah ah, so' crepato!)

CARLO

Vi' che risa se fa masto Col'Agnolo!

TETTA

Aje visto? Co chi ll'aje?

COL'AGNOLO

Oh bene mio, deciteme 'na cosa:
tu sarraje marito a Ciomma?

TITTA

Io songo . . .

CARLO

Signornò, chisso songh'io.

TITTA

Abburla lo sio Carlo.

CARLO

Abburla Titta.

COL'AGNOLO

O pe ll'uno o pe ll'auto,
vuje credite che Ciomma stia pe buje . . .

CARLO

Sta pe mme!

TITTA

Sta pe mmene!

COL'AGNOLO

(Co' lo figlio de Nufrio.) Ora sacciate
ca Ciomma ve coffeja a tutt'e duje.

CARLO

E pecche?

COL'AGNOLO

Ch'ha mprommisso d'esse mogliere a mme.

TITTA E CARLO

Ah ah ah, chest'è bella.

TITTA

Ogne cosa po' essere

COL'AGNOLO

Ched'è, perche' redite?

TITTA

Reveresco, si' sposo.

CARLO

Ora volite sape 'na cosa?

COL'AGNOLO

Ed è?

CARLO

Chesta nc'ha coffejato a tutt'e tre.

COL'AGNOLO

E' cchiù facele chesto
ch'on'autra cosa; cierto acossi è.

(Parte.)

[Cario si sfoga contro le femmine che fanno disperare gli uomini con i loro comportamenti]

CARLO

(Parte.)

Belluccia da femmena, Titta e po' Ciomma

[Arriva Pepparielb/Belluccia "travestito" da donna, attira l'attenzione di Titta, e chiede a lui e a Ciomma chi dei due vuole passare la notte da lei. Titta fa cenno di no, mentre Ciomma è interessata]

BELLUCCIA

Ammore caro, caro,
ecco Belluccia, ca no cchiù se cela:
vestut'ommo, aggio posto lo telaro
tu ajutamell'a ordì sta bella tela!

TITTA

Oh! si' Peppo, mo pare
cchiù femmena che ommo.

BELLUCCIA

Eh! Fatte cunto . . .

TITTA

Che?

BELLUCCIA

Ca quase quase . . .

TITTA

Che cosa?

BELLUCCIA

Poco manco . . .

CIOMMA

Oh bravo Peppo!
Primmo de me Titta tu si' arrevato!

BELLUCCIA

Cierto.

TITTA

Ciommetella sta' 'n tuono,
famme trova' quarcosa quanno torno.

CIOMMA

Oh pe sta notte ntanto
duorme co quarche ammico.
No nce veni a scetare.

TITTA

Vago a dormì co lo si' Peppariello.

BELLUCCIA

Comme, co mmico?

TITTA

Si.

BELLUCCIA

Schiavo, ussorìa.
(Vide che guaje che le venarria.)

TITTA

Ched'è, che fusse femmena?

BELLUCCIA

Ora non saccio niente.
(Le boglio pasteggiare 'no tantillo.)
Accossì comme songo, vorria sapere
chi cchiù sfazejone avarria de dormire
co mmico, ma de vuje duje.

TITTA

Io poca e niente.

CIOMMA

Io assaie.

BELLOCCIA

E ba' ca state belle tutt'e duje

(Parte con Titta.)

Capitano, Assan, Ciomma, Meneca, Masto Col'Agnolo

[Il tempo migliora e il Capitano si appresta a riprendere il mare. Assan vuole convincere le donne a seguirlo in Turchia nel serraglio del sultano. Finge che, in caso contrario, taglierà loro la testa]

CAPITANO

Assan, Assan, Assan!

ASSAN

Seniur, star lesta.

CAPITANO

Il tempo è già sereno,
fa' che il tutto sia pronto alla partenza.

CIOMMA

Uh, n'auta vota chisto!

COL'AGNOLO

Troppo sti turche vanno ronnejanno.

MENECA

Chi è chillo segnore?

CIOMMA

Che nne saccio.

ASSAN

Veder quaglia? Veder?

CAPITANO

Già l'osservai.

ASSAN

Por mia fe', che star bella!

COL'AGNOLO

Hann'allommato Ciomma, nce so' guaje.

ASSAN

MENECA

ASSAN

MENECA

ASSAN

MENECA

Titta e li stìsse

[Titta si precipita annunciando che Peppariello è stato riconosciuto come femmina. Arriva Ciomma e gli comunicano la strabiliante scoperta: Peppariello è Belloccia, la promessa sposa di Carlo. Ciomma comprende ora i suoi strani comportamenti e si rattrista per il suo amore mancato. Titta le ricorda che lui è ancora disponibile e se lei vuole...]

TITTA

Uh quanta gente! Mamma, ched'è chesto?

MENECA

N'è niente, è la commeddeja.

TITTA

Che buo' commeddejà! non se fa cchiune!

CIOMMA

E pecche? ch'è socciesso?

TITTA

Ca lo si' Peppo s'è scopierto femmina.

MENECA

Femmena!

COL'AGNOLO

Sì, addavero.

TITTA

Cierto, cierto
è de Sorriento, e dice
ca dudece anne arreto lo sio Carlo
fede de matremmonio l'avea dato.

COL'AGNOLO

Me nne fosse addonato
vi' che festino nce voleva essere.

ENECA

Che mme dice!

CIOMMA

Ah pe chesso te nfadava
ogne ghiuorno co Carlo:
mo lo voleva muorto e mo l'ammava.
Ahu, speranze meje jute a zeffunno!

TITTA

Vi' comme so' le cose de lo munno.

CIOMMA

Ma già che la commeddejà
non se fa cchiù, va',
chiammale.

TITTA

Vedile ca mo è tiempo
de me leva da guaje; già Cario e Peppo
se so' quietate, e io
aggio mo da restare sconzolato?

MENECA

Che dice?

CIOMMA

Che nne saccio!

TITTA

Ciomma, non me fa sta cchiù desperato!
Mo è tiempo, Ciomma mia,
che me può' fa gaudé:
leva sta tirannia
agge piatà de me!

(Parte.)

Belluccia, Titta, e po' Carlo e li stisse

[Il Capitano riconosce sua figlia Belluccia e Carlo la difende riconoscendo le sue colpe e ammettendo di meritare la morte. Ciomma e Meneca chiedono pietà ricordando come essi si siano appena . . . sposati. Il Capitano perdona Carlo e invita i due sposi sulla galera. A terra Ciomma e Titta si fidanzano e tutti gioiscono al lieto fine]

BELLUCCIA

Uh quanta gente! Scosta co sta torcia,
lassa vede!

CAPITANO

(Che vedo! Quest'è mia figlia!)
Indegna, mia vergogna e rossor!
Tu in queste arene,
sott'abito viril?

BELLUCCIA

(So' morta, oh dio!)

CAPITANO

Olà, l'empia s'uccida!

ASSAN

Seniur, pietà! Sabella
avir cresciuta io, ed avir fatta
sopre braccia, quand'era pescengrilla,
più frittata che pila riavir barba.

CAPITANO

Taci! S'esegua il mio voler!

BELLUCCIA

Segnore, oh dio, piatà!

CARLO

Ch'è stato?
Ah canaglia! assassine! ah renegate!
Primma, pe chisto pietto
passaranno ste . . . Ajemmé, patreto?

CAPITANO

Ah traditor! Tu ancora
pagar dovrai de' tuoi misfatti il fio.

CARLO

Sì, so' contento de morì;
ma chesta non corpa a niente.
Essa pe mme è fojuta
da la patreja; io la morte mmereto,
perché ll'aggio, ajemmè, traduta.

CAPITANO

L'indegno s'incateni
Su la galea si guidi,
e quivi poscia il traditor si sveni!

CIOMMA

Signore, pe piatà!

CARLO

Lassalo ire.

BELLUCCIA

Ah Carlo, fremma!

COL'AGNOLO

Oh dio segno' perdonalo,
ca so' spuse novielle!

CAPITANO

Come sposi?

MENECA

Gnorsì! Sto cavaliero
che facea la cummeddeja ll'ha sposate.

CAPITANO

Dunque non è com'io credea.

BELLUCCIA

Segnore,
io venne appriesso a Carlo
pe mme potè recupera l'onore;
mo già simmo sposate; si ve preme
che mora Carlo mio, ah, pe pietà!
fa' che morimmo nzieme!

ASSAN

Seniur pietà, non far sciancir Sabella.

CAPITANO

Mi sento intenerir.

COL'AGNOLO

Via mo, si' capetanejo,
fallo da bonus vir.

CAPITANO

Alzati, oh figlia.

MENECA

E' tiempo d'allerezza:
perdonale, segno', puozze sta buono.

CAPITANO

Sciolto sia da catene! Io vi perdono!

CIOMMA

Puozze campa mill'anne!

MENECA

Beneditto!
Ciomma, nfra st'allerezze
povero Titta ha da restare affritto?
Pigliatillo!

TITTA

Che dice?

CIOMMA

Ahu fortuna!
Pocca accossì bolite, io mme contento.

COL'AGNOLO

Belle fatiche meje, sparze a lo viento!

ASSAN

Seniur, galera già star pronta.

CAPITANO

Andiamo,
figli, alla patria, a celebrar le nozze!

BELLUCCIA

Ciomma mia, te so' schiavo.

CARLO

A revederce, Titta.

MENECA

Accossì, 'n nitro 'n fatto,
nce volite lassare.

COL'AGNOLO

Ora vide che storia!

BELLUCCIA

Cierto, e de che manera!

COL'AGNOLO

Nce restarrà ccà sempe la memoria
de li "zite 'n galera".

CARLO

Venitece a trovare.

CIOMMA

Recordate de Ciomma.

TITTA

E de Titta Castagna.

BELLUCCIA

Ciccariello!

CARLO

Col'Agnolo covernate!

CICCARIELLO E COL'AGNOLO

Jate co nnio!

CIOMMA, TITTA E MENECA

Lo cielo v'accompagna!

BELLUCCIA, CARLO, CIOMMA, TITTA

Dapo' tanta e tanta pene,
bello mio, gioja mia,
jammo a gaudé!

COL'AGNOLO, CICCARIELLO

Dapo' tanta e tanta pene
è cchiù doce lo gaudé!




Ultimo aggiornamento 6 marzo 2026